Ky dokument politik është zhvilluar në kuadër të projektit “Zëra më të fortë për zgjedhje më të mira – Qendra Rinore për Ballkanin Perëndimor dhe Turqinë” dhe bazohet në Indeksin e Pjesëmarrjes së të Rinjve në Shqipëri 2023. Ai përqendrohet në forcimin dhe funksionalizimin e Këshillave Vendorë Rinorë (KVR) si mekanizma kyç për pjesëmarrjen e të rinjve në vendimmarrjen vendore. Dokumenti mbështetet në të dhëna kombëtare, kuadër ligjor, konsultime me aktorë institucionalë dhe kontribute nga këshillat rinorë në katër bashki, duke ofruar rekomandime konkrete për përmirësimin e gjithëpërfshirjes, funksionalitetit dhe qëndrueshmërisë së strukturave rinore në të gjithë vendin.