Shoqata Pertej Barrierave pati kenaqesine te organizoje eventin per prezantimin e Raportit Kombetar te Monitorimit mbi Pjesemarrjen Rinore ne Shqiperi per vitin 2024, ne kuader te perpjekjeve te vazhdueshme per te forcuar rolin e te rinjve ne jeten politike, sociale dhe ekonomike te vendit.

Aktiviteti u zhvillua ne Tirane dhe mblodhi mbi 50 pjesemarres, duke perfshire perfaqesues nga institucione publike, keshilla rinore, organizata te shoqerise civile, akademia, si dhe te rinj nga qytete te ndryshme te Shqiperise. Ky takim sherbeu si nje hapesire e rendesishme dialogu dhe bashkepunimi, duke mundesuar shkembimin e perspektivave dhe forcimin e bashkëveprimit mes aktoreve kyç te rinise.

Gjate eventit u prezantuan gjetjet kryesore te Raportit Kombetar te Monitorimit 2024, te fokusuara ne dimensionet sociale, ekonomike dhe politike te pjesemarrjes rinore. Raporti bazohet ne analiza te strukturuara ne kuader te Youth Participation Index, nje instrument rajonal qe mat dhe krahason nivelin e perfshirjes se te rinjve ne keto tre dimensione kryesore.

Ne kete kuader, nje falenderim i vecante shkon per Partners Albania, per kontributin e tyre te vlefshem ne hartimin e raportit.

Aktiviteti vijoi me diskutime interaktive dhe pune ne grupe, ku pjesemarresit ndane pervoja, identifikuan sfida konkrete dhe kontribuan ne formulimin e rekomandimeve praktike. Keto rekomandime synojne te kontribuojne ne permiresimin e politikave dhe strategjive kombetare per rininë, duke kaluar nga nje pjesemarrje formale drejt nje angazhimi real dhe me ndikim te te rinjve ne vendimmarrje.

Eventi u organizua ne kuader te projektit “Stronger Voices for Better Choices”, i zbatuar nga Ana and Vlade Divac Foundation ne bashkepunim me organizatat partnere: Beyond Barriers, Youth Alliance, Institute for Youth Development KULT, NVO Prima, Democracy for Development (D4D) dhe Toplum Gonulluleri Vakfi (TOG), me mbeshtetjen e Bashkimit Europian.

Shprehim mirenjohjen tone per pjesemarrjen dhe kontributin e Agjencise se Rinise dhe Mireqenies Sociale, Agjencise Kombetare te Rinise, si dhe te gjithe pjesemarresve, te cilet me angazhimin e tyre aktiv dhe rekomandimet e ndara kontribuan ne pasurimin e diskutimit dhe ne forcimin e proceseve per nje pjesemarrje me gjitheperfshirese dhe te qendrueshme te te rinjve ne Shqiperi.