Ky publikim është realizuar nga Përtej Barrierave dhe Kongresi Rinor
Kombëtar në kuadër të programit Tirana Kryeqyteti Evropian i Rinisë 2022, me
mbështetjen financiare të Bashkisë Tiranë dhe Kongresit Rinor Kombëtar.
Organizata Përtej Barrierave (PB) dhe Kongresi Rinor Kombëtar (KRK)
janë të përkushtuara në promovimin dhe fuqizimin e praktikës së punës
rinore në Shqipëri.
Nëpërmjet një studimi kombëtar të realizuar në kuadër të programit Tirana
Kryeqyteti Evropian i Rinisë 2022 me mbështetjen financiare të Bashkisë
Tiranë dhe KRK, janë identifikuar nevojat për institucionalizimin dhe njohjen
e punës rinore në Shqipëri.
Bazuar në gjetjet e këtij studimi dhe vizionin që kemi lidhur me praktikën e
punës rinore, adresojmë këtë Dokument Politik me qëllim paraqitjen e
rekomandimeve për: krijimin e një mjedisi institucional që njeh vlerën e
shtuar që ka Puna Rinore dhe ndikimin e saj socio-ekonomik në Shqipëri,
duke e institucionalizuar dhe njohur këtë praktikë.