Ky dokument politik me titull “Strukturat e Pjesëmarrjes së të Rinjve si një Rrugë drejt Sipërmarrjes Rinore,”, është hartuar në kuadër të projektit “Zëra më të Fortë për Zgjedhje më të Mira – Youth Hub për Ballkanin Perëndimor dhe Turqinë”. Ai bazohet në Indeksin e Pjesëmarrjes së të Rinjve në Shqipëri 2024 dhe shqyrton nëse strukturat e pjesëmarrjes rinore në Shqipëri, Këshilli Kombëtar i Rinisë dhe Këshillat Vendorë Rinor, funksionojnë si kanale efektive që lidhin të rinjtë, veçanërisht vajzat dhe gratë e reja, me politikat dhe mbështetjen për sipërmarrje.

Dokumenti mbështetet në të dhëna kombëtare, kuadrin ligjor dhe konsultime metë rinj,organizata rinore dhe punonjës bashkiakë për rininë, duke ofruar rekomandime konkrete politikash për të ngushtuar hendekun gjinor në vetëpunësimin rinor dhe për të forcuar lidhjen mes pjesëmarrjes rinore dhe mbështetjes për sipërmarrje.