Në kuadër të projektit ‘Stronger Voices for better choices- youth hub in the Western balkans and Turkyie’, u organizua sot Debati Konsultativ mbi Aktivizimin e Strukturave Rinore. Pjesë e aktivitetit ishin 20 aktorë kyç nga organizatat rinore, institucionet publike dhe të rinj aktivë në politikëbërje dhe shoqëri civile. Ky debat u fokusua në identifikimin e sfidave dhe gjetjen e zgjidhjeve për aktivizimin e Këshillave Vendorë Rinorë dhe përmirësimin e Strukturave Kombëtare Rinore.

Projekti ‘Stronger Voices for Better Choices – Youth Hub for WB&T’ është një iniciativë rajonale që synon të rrisë pjesëmarrjen e të rinjve në politikëbërje, të fuqizojë organizatat e shoqërisë civile dhe të forcojë angazhimin qytetar në Ballkanin Perëndimor dhe Turqi. Projekti financohet nga Instrumenti i Ndihmës së Para-Anëtarësimit (IPA III). Projekti drejtohet nga Fondacioni Ana and Vlade Divac dhe në Shqipëri koordinohet nga Përtej Barrierave.

Pjesëmarrësit diskutuan mbi aktivizimin e strukturave rinore në nivel lokal, duke analizuar mënyrat për të rritur funksionalitetin dhe ndikimin e tyre në bashki dhe komunitete.

Nga ky debat u identifikuan sfidat kryesore dhe u formuluan rekomandime konkrete, të cilat do të përpunohen më tej për të hartuar një Policy Brief, që do të shërbejë si dokument avokimi për institucionet vendimmarrëse dhe partnerët ndërkombëtarë. Faleminderit @Tirana Europe house për mikpritjen. Faleminderit partnerët bashkëpunes të projektit për mbështetjen Partners Albania for Change and Development @INSTAT dhe Agjencia Kombëtare e Rinisë AKR

——————————————————

Ky projekt financohet nga komisoni Evropian nën programin IPA III.