Trajnimi për trajnerët mbi EUAR është një pjesë kyçe e projektit Youth CARE: Youth Capacity building, Action and Responsibility for the Environment, i cili synon të fuqizojë punonjësit rinor, edukatorët dhe aktivistët mjedisorë për të përfshirë edukimin mjedisor në punën e tyre me të rinjtë.

TOR ofron informacion mbi këtë trajnim tre-ditor që do të zhvillohet më 4-6 Prill 2025 në Tiranë, i organizuar nga Shoqata Përtej Barrierave. Pjesëmarrësit do të trajnohen mbi manualin EUAR (Environmental Understanding, Action, and Reflection), një udhëzues praktik për të rritur ndërgjegjësimin mjedisor dhe për të inkurajuar të rinjtë të marrin pjesë aktive në vendimmarrje.

Përmes metodave të edukimit joformal, trajnimi do t’i pajisë pjesëmarrësit me aftësi për të zhvilluar aktivitete, kampanja dhe strategji për mbrojtjen e mjedisit, duke synuar komunitetet e tyre. Programi është i hapur për 15 pjesëmarrës që plotësojnë kriteret e përzgjedhjes, ndërsa afati i aplikimit është deri më 28 Mars 2025.

Më poshtë mund të gjeni:

• Detaje mbi përmbajtjen dhe objektivat e trajnimit
• Manualin EUAR për shkarkim
• Informacion mbi kriteret e aplikimit dhe përzgjedhjes
• Kontaktet për më shumë detaje mbi programin

Për më shumë informacion ose për të aplikuar, vizitoni seksionin e aplikimeve dhe kontaktoni organizatorët për çdo pyetje.